ஆகஸ்ட்-5ல் பதிவர் பட்டறை பெயர் கொடுத்தாச்சா?

banner.gif

 

நண்பர்களே!

சென்னையில் வரும் ஆகஸ்ட் மாதம் ஐந்தாம் தேதி பதிவர் பட்டறை நடக்க இருப்பதை நீங்கள் அறிந்திருப்பீர்கள். புதியவர்கள் பழையவர்கள் என்று மொத்தம்  150 பேருக்கு மட்டுமே அனுமதி.

அதிலும் முன் பதிவு செய்தவர்களுக்கு மட்டும் தான் அனுமதி.

முன்பதிவு செய்ய http://tamilbloggers.org என்ற பக்கத்திற்கு செல்லவும். இந்த தளம்.. விக்கி மொன்பொருளை கொண்டு நிறுவப்பட்டுள்ளது. இந்த தளத்தின் இடது ஓரம் இருக்கும் பங்கேற்போர் என்பதனை சொடுக்கினால் அடுத்த பக்கத்திற்கு அழைத்துச் செல்லப்படுவீர்கள். அங்கே இடது ஓரத்தின் மேல் பகுதியில் எடிட் பொத்தான் இருக்கும். அதனை சொடுக்கி, உங்களைப் பற்றிய விபரங்களை பதிவு செய்து விடுங்கள். அவ்வளவுதான்.

நினைவுக்கு:- இந்த தளத்தில் உங்கள் பெயரை நீங்கள் பதிவு செய்துகொள்ள.. இங்கே நீங்கள் லாகிங் செய்வது அவசியம். + நல்லதும் கூட!

ஜூலை 7, 2007 at 7:12 முப 2 பின்னூட்டங்கள்

சொற்களற்ற சூன்யவெளியில்..

ஒருபோதும் சோர்ந்து போனதில்லை
மனிதர்களிடம் பேசும் பொழுதுகளில்

சோகங்கள்
துரோகங்கள்
வருத்தம்
மகிழ்ச்சி
என எதுபற்றியேனும்
பேசிக்கொள்ள நேர்ந்திருக்கிறது
பல சமயங்களில்

முன் சிரித்து
பின் கூறு போடுபவர்கள்
இருக்கின்ற போதிலும்
இவர்களை ஒதுக்கிவிட
தோன்றியதில்லை

பூனை,நாய்,கிளி
ஏன் கடவுள்களே கூட
பதில் பேசாமலிருக்கையில்
ஏதாவது பேசும்
மனிதர்களை புறந்தள்ள முடிவதில்லை.

ஜூலை 6, 2007 at 8:52 முப 6 பின்னூட்டங்கள்

ங்கொய்யால…

கூட்டம் போடு
பழந்தமிழ்
இலக்கியங்களில்
புளங்காகிதமடை

கூட்டத்தில் கலகம் செய்
குழுசேர்ந்து
குசுகுசுத்துக்கொள்

புலியை விரட்டிய
மறத்தியின்
பால் குடித்தவனென
மார் தட்டிக்கொள்

யதார்த்தம்
மாயா- யதார்த்தம்
நவீனம்
பின்-நவீனம்

அரசியல் பேசு
அலோவென
கை குலுக்கிக்கொள்

எழுது
பிரதி அழி
நாவறளப்பேசு
கொன்றுகுவி

அடையாளம்
தொலைத்ததறியாமல்
கூச்சலிடு
தமிழனென்று

குப்பிகளுடைய
கோப்பையை காலி செய்

மசுரு
சோற்றுக்கு
வழியில்லாமல்
சாகிறான் விவசாயி.

ஜூலை 5, 2007 at 7:57 முப 29 பின்னூட்டங்கள்

சிரங்குகள்

உடலெங்கும் சிரங்குகள்
அவ்வப்போது
சொறிந்து கொள்ளத்தோன்றும் விதத்தில்

ஒழுங்காய்த்தான் இருந்தன முதலில்
ஆரோக்கியம் சேர்க்குமென
ஆசைப்பட்டு பூசிக்கொண்ட களிம்புகளால்
விளைந்தவை இவை

களிம்புகளை வழங்கியவர்களும்
சொறிந்துகொண்டுதானிருக்கிறார்கள்
இருந்தும் மோகம்
குறையவில்லை மக்களுக்கு

முதலில் அதன்
விளைவைப் பற்றி விளக்க வேண்டும்
பின்னரதனை அழிக்கவேண்டும்
அப்போது தான்
சரிபடும் தேகமும், தேசமும்!

ஜூலை 3, 2007 at 12:50 பிப 10 பின்னூட்டங்கள்

இருப்பு

மடக்கிய குடையுடன்
பேசியபடியடைந்தோம்
மரத்தடியை
மழை
இப்போது தூறலாய்.

ஜூன் 26, 2007 at 10:09 முப 6 பின்னூட்டங்கள்

அடையாளம்

தூசுகளால் நிறைந்த
கண்ணாடி கதவில்
பெயரெழுதிச் செல்கிறது
கோடைச்சாரல்.

ஜூன் 26, 2007 at 9:00 முப 4 பின்னூட்டங்கள்

இலக்கு

உனக்கும் எனக்குமான
பாதை ஒன்றுதான்
ஆனால்
எதிரெதிர் திசைகளில்
போய்க்கொண்டிருக்கிறோம்

நான் வாருவதற்குள்ளாக நீயும்
நீ வருவதற்குள்ளாக நானுமென

என்றாவதொரு நாள்
நேரெதிராய் சந்திக்க
நேரும் போது
ஒரே திசையை நோக்கியிருக்கும்
நம் பயணம்.

ஜூன் 26, 2007 at 7:15 முப 5 பின்னூட்டங்கள்

Older Posts Newer Posts


தமிழ்99


அதிகம் பார்வையிடப்பட்டவை

மெய்யாலுமே விடுபட்டவை

இங்கே வந்தவர்களால்..

  • 14,257 வது முறை பார்க்கப்பட்டிருக்கிறது

அண்மைய பதிவுகள்

Feeds